О
Пречестный и Животворящий Кресте Господень! Древлеубо был еси казни позорныя орудие, ныне
же знамение спасения нашего, присно почитаемое и прославляемое! Како достойне возмогу аз, недостойный, воспетиТя и како дерзну преклонити
колена сердца моего пред Искупителем моим, исповедая
грехи свои! Но милосердие и неизречённое человеколюбие Распеншегося
на тебе смиренное дерзновение подает ми, да отверзу уста моя, во еже славитиТя;
сего ради вопию Ти: Радуйся,
Кресте, Церкве Христовы красото
и основание, всея вселенныя утверждение, христиан
всех упование, Царей державо, верных прибежище,
Ангелов славо и воспевание, демонов страх, губительство и отгнание,
нечестивых и неверных посрамление, праведных услаждение, обременённых ослабо, обуреваемых пристанище, заблудших наставниче, одержимых страстьми
раскаяние, нищих обогащение, плавающих кормчию,
слабых сило, во бранехпобедо
и одоление, сирых верное покровение, вдов заступниче, дев целомудрия охранение, ненадеянныхнадеждо, недужных
врачу и мертвых воскресение! Ты, прообразованный чудотворящим
жезлом Моисея, есинапаяющийжаждущиядуховныя жизни и услаждающий наши скорби; Ты еси одр, на немже царственно
почил тридневно воскресший Победитель ада. Сего ради
и утро, и вечер, и полудне прославляю тя, треблаженное Древо, и молю волею Распеншегося
на тебе, да просветит Он и укрепит тобою ум мой, да открыет
в сердце моем источник любве совершенней и вся деяния
моя и путие мои тобою осенит, да выну
величаю пригвожденнаго на тебе, грех моих ради,
Господа Спасителя моего. Аминь.
